影片
更多
2022-06-19
272 瀏覽
最近係中環藝穗會附近開咗一間新既健康概念餐廳，名為Orka，瑞典語中解作能量🌟主廚曾經係倫敦深造廚藝，返黎香港後亦係米芝蓮級數既廚師團隊工作，養成獨樹一幟既美食風格。餐廳仲特意邀請咗營養師一齊設計菜單，用食物去實踐餐廳精神，為客人充滿能量💪裝修以靜謐綠植再配上原木色調既佈置🏕加上柔和既燈光，係呢個繁華既中環區帶來一片放鬆既綠洲。餐單設計好多元化，好多野都有素食同非素食版本📒連gluten free既飲食習慣都可以遷就埋，而且全部食物連配色都有兼顧埋，色香味俱全。🍔Mighty Bulgogi Burger | $128 | 8/10呢款係韓式風味和牛漢堡，漢堡可以揀有機瑪卡奶油漢堡包或者沙律🥗兩邊麵包都搽上滿滿kimchi醬，食落有點濕，包烘得唔夠乾同脆🙈不過和牛肉好好食，超級juicy，搭配醃蘿蔔同車打芝士，鹹香味十足，上面仲加左隻流心既煎太陽蛋🤤🍟Sweet Potato Fries | $68 | 8/10炸蕃薯條唔會油淋淋，出黎都幾乾身香脆，一咬入面軟糯既甜薯好正，點埋純素版既黑松露醬好上癮😋情不自禁一條改一條咁食哂。🍰Red Velvet Cake | $48 | 7.5/1
裝修以靜謐綠植再配上原木色調既佈置🏕加上柔和既燈光，係呢個繁華既中環區帶來一片放鬆既綠洲。
餐單設計好多元化，好多野都有素食同非素食版本📒連gluten free既飲食習慣都可以遷就埋，而且全部食物連配色都有兼顧埋，色香味俱全。
🍔Mighty Bulgogi Burger | $128 | 8/10
呢款係韓式風味和牛漢堡，漢堡可以揀有機瑪卡奶油漢堡包或者沙律🥗兩邊麵包都搽上滿滿kimchi醬，食落有點濕，包烘得唔夠乾同脆🙈不過和牛肉好好食，超級juicy，搭配醃蘿蔔同車打芝士，鹹香味十足，上面仲加左隻流心既煎太陽蛋🤤
🍟Sweet Potato Fries | $68 | 8/10
炸蕃薯條唔會油淋淋，出黎都幾乾身香脆，一咬入面軟糯既甜薯好正，點埋純素版既黑松露醬好上癮😋情不自禁一條改一條咁食哂。
🍰Red Velvet Cake | $48 | 7.5/10
放咗新鮮既raspberry係上面🍓蛋糕體係比較結實，唔係鬆泡泡海棉蛋糕。用埋純素可可粉同低Gi既糖霜，就算哂成份都唔會好有罪惡感，甜味唔會太重但好香☺️
🍸Immuno Sunshine｜$68｜7.5/10
一杯用左菠蘿、木瓜、芒果、瑪卡、燕麥奶同薑黃蜜糖既成既沙冰，上面加左椰絲，增添口感同甜度☺️好清新又夠冰涼
張貼
