Sooshi Gold (裝修中)

中環好餐廳真係唔少，之前尖沙咀嘅人氣立食壽司店「鮨廷」原來中環都開店了，主打 Omakase，大部分食材都係由日本各地直送，而且做得幾精美，員工服務態度認真，認真到接近你每飲完啖茶佢都會幫你即時 fill 返😅！今次品嚐咗個 18 courses 嘅 Omakase ($998)，份量OK，比起出面食價錢都算抵同埋幾公道。.➽ 前菜：紫蘇豚肉卷、汁煮東風螺，仲有漬物，輕食前菜同醒醒胃唔錯。➽ 刺身：日本生蠔配啫喱狀蓴菜做底，蠔唔算大隻但幾鮮！再嚟刺身三款，拖羅肥美👍中拖羅併烤乾魚子塊，食層次感；備長碳燒大拖羅就魚油香勁重！而食呢款冰霜蟹(蟹膏同籽) 配炸蟹仔就係我飛彿，口感扎實配紫蘇花仔食勁香。再有一隻牛油大虎蝦，陣陣牛油奶香。➽ 壽司： 鯖魚魚卷，跟蘿蔔紫蘇葉、手握壽司有深海池魚、北寄貝、醬油漬赤身配堅果碎、牡丹蝦配酥炸蝦頭(仲有蝦膏醬)、炙燒銀鱈魚、北海道赤海膽，整體新鮮同好食👍➽ 和食：上湯鮑魚配鮑魚醬，口感夠彈牙！➽ 炸物：竟然用白子去炸天婦羅，外脆內 creamy，食果陣小心熱，入口有爆發感覺。➽ 主食：明太子櫻花蝦意粉，好Creamy，配一株紫蘇花心，又係香味爆發！➽ 湯物