秀拉麵 (已結業)

係中環做開野，想食拉麵，排過一次豚王已經夠皮啦，所以就揀左呢間新鋪，都係要排，好彩五分鐘就坐低左。望落好似好少位，但係愈行愈入愈多位，絕對係一間大鋪，坐左係吧檯位附近，望住班師傅煮麵咁，氣氛唔錯，不過超熱，好有街頭Feel，如果唔係特登咁整既話，鋪頭最好加大少少冷氣好喎。要讚既係，服務好好，雖然係妹妹，但係幫人寫單之類既野都跟到足，同埋講野好有禮貌，唔錯。到食物啦，其實有無人食到個元祖拉麵既呢﹖我一點入去都話無，樓下有位食評又話七點去都係無，咁午市又無晚市又無，唔通佢只煮一碗出黎﹖奇。所以就叫左黑秀拉麵同餃子，叉燒揀左腩肉，拉麵要左硬身咁。好，我要評啦，碗麵係唔好食既，唔知係唔係師傅既心情唔好(話晒都地震)定點，碗湯既黑色豉油部份係有焦味既，而且都焦得幾過份，我用盡全力咁唔被黑色豉油污染到湯底，其實湯底係唔錯喎，夠漿口亦夠濃，但係比唔上豚王同達磨，拉麵就夠晒硬，做到要求，呢樣要讚。叉燒望落靚仔，肥瘦均勻但係唔夠腍香，咬落去重有d硬身添。假如呢碗只係五六十元，咁就絕對無問題，可以返轉頭添，但係咁既水準，實在有負過江龍的名堂。希望佢只係初來報到兼心亂如麻先係咁啦，唔係就真係祝佢好運。