影片
更多
2023-03-21
1190 瀏覽
AOZORA Bakeryあおぞら #enfoodsiast_天后📍天后天后廟道14號地下B及C號舖營業時間：早上八時至晚上七時半（星期日休息）最近天后AOZORA Bakery因為佢嘅千層吐司🍞爆紅，搞到小編們都忍唔住慕名而來想試下呢個食過都讚好味嘅千層包！😋當日係星期一，我哋大概十一點半去到，竟然都只係排第三位😨真係超人氣呀❤️🔥❤️🔥不過一場嚟到，冇理由淨係試佢嘅招牌包，所以試多咗幾款包，睇下有邊款值得encore！🤤千層生吐司（$30）由十一點半排到一點先開始派籌俾錢嘅千層包，小編們一開始俾咗好大期望佢🤩過咗半個鐘先有得拎，因為係啱啱出爐所以好新鮮熱辣。搣落真係好拉絲，一片片撕落嚟食都幾得意。好香嘅牛油味，食落幾軟熟。不過由於有牛油嘅關係會有少少油膩。味道比我哋想像中冇咁大驚喜，似比較好食啲嘅方包。不過整體而言都係好食。酸種脆皮吐司（$18）吐司外皮偏硬，內籠都幾煙軔，口感比較紮實，有啲似黃糖糕同埋白糖糕！🤣麵包帶淡淡嘅酸味，食完之後都唔會覺得負擔好重～朱古力生吐司（$23）吐司入面好多朱古力，熱食會有爆漿效果🤤亦都係因為加咗朱古力嘅關係，成個包嘅朱古力味好濃，個餡係黑朱古力，
#enfoodsiast_天后
📍天后天后廟道14號地下B及C號舖
營業時間：早上八時至晚上七時半（星期日休息）
最近天后AOZORA Bakery因為佢嘅千層吐司🍞爆紅，搞到小編們都忍唔住慕名而來想試下呢個食過都讚好味嘅千層包！😋當日係星期一，我哋大概十一點半去到，竟然都只係排第三位😨真係超人氣呀❤️🔥❤️🔥不過一場嚟到，冇理由淨係試佢嘅招牌包，所以試多咗幾款包，睇下有邊款值得encore！🤤
千層生吐司（$30）
由十一點半排到一點先開始派籌俾錢嘅千層包，小編們一開始俾咗好大期望佢🤩過咗半個鐘先有得拎，因為係啱啱出爐所以好新鮮熱辣。搣落真係好拉絲，一片片撕落嚟食都幾得意。好香嘅牛油味，食落幾軟熟。不過由於有牛油嘅關係會有少少油膩。味道比我哋想像中冇咁大驚喜，似比較好食啲嘅方包。不過整體而言都係好食。
酸種脆皮吐司（$18）
吐司外皮偏硬，內籠都幾煙軔，口感比較紮實，有啲似黃糖糕同埋白糖糕！🤣麵包帶淡淡嘅酸味，食完之後都唔會覺得負擔好重～
朱古力生吐司（$23）
吐司入面好多朱古力，熱食會有爆漿效果🤤亦都係因為加咗朱古力嘅關係，成個包嘅朱古力味好濃，個餡係黑朱古力，所以甜度適中👍🏻麵包質地就偏軟，不過不失。
牛角酥（$18）🌟
呢度嘅牛角酥都好出名，咁啱我地攞千層包嘅時候見到佢啱啱出爐🤩即刻買返個試下！果然名不虛傳，牛角酥表面非常酥脆，而且酥皮薄，入面好濕軟，勁重牛油香，但攞上手又唔會好油膩。正～推薦大家去試吓！
紅豆生吐司（$22）🌟🌟
食咗咁多款包，差啲冇打算買嘅紅豆生吐司反而最有驚喜！因為係湯種麵包所以質地好軟熟，而且好重奶香味，紅豆亦都好綿密～ 麵包本身嘅香加上紅豆蓉嘅甜，絕對係呢個包嘅點睛之筆✨今次mvp仲唔係你😍😍非常值得一試！
雖然小店日前宣布咗停售千層生吐司😿但係小編認為其他包都唔錯，經過都可以買返個包食下～
#hkfoodie #香港飲食 #hkig #hkfood #foodiehk #香港 #香港美食 #食好西 #hkblog #好食 #foodie #eatgoodwest #foodstagram #香港好去處 #香港麵包店 #麵包 #天后 #hkbakery #天后美食 #天后麵包店
張貼
