酒地雞煲火鍋 (已結業)

好啦！經過前日試左佢地個雞煲之後！今日又要去到尖沙咀做野！就試埋佢地個LUNCH SET啦今次終於記我相機食先，影左張相POST上來今次我就叫左個牛肉飯來試試！因為我好耐好耐都無食過牛肉飯啦！在場所見只得我一枱客，所以就好快到啦個飯佢個SET就包埋一碟油菜同野飲，佢地加十蚊仲可以由野飲轉燉湯咁我就無轉到啦！覺得有少少貴飯到啦！我真係估唔到佢個賣樣咁靚耶！仲有D蟹籽係上面嘅，依點係超我預期之中既！佢地話有預辣，但我真心食唔出有辣味！哈哈哈而佢地D牛食得出唔係普通既肥牛，應該係手切肥牛，因為有少少厚但食落去好有鮮牛肉味，同埋有咬感，總知佢地唔係用普通打邊爐果D平價肥牛啦！而飯都好多，而且裝得好實呀！我一個大男人都可以飽到嘔！好耐無見試過LUNCH可以咁滿足啦！