Chicken n Egg (已結業)

是日我們一家大細(5大1小，爺爺嫲嫲外母老婆和我+BB)到呢間店打算食午餐，之前曾食過一兩次，覺得環境唔錯，價錢係貴，但屬九龍城一帶小數類似的店，故再去幫襯下。這店標榜着有機烤雞，之前試過，其實又乾又鞋又無味，所以之後只係叫意粉吃，貪佢環境唔錯和有egg benedict 之類及西式沙律。佢地的服務態度卻極差，經常面黑又懶理。尋日經歷了一生從未見過，相信以後也遇不到的可怕對待。嫲嫲在十二時等店開門(剛泊車在店側)，一位店舖女士面黑黑話“小姐你行開D啦，你阻住我開铺！(其實有客人一早在店外等開門幫襯，應該感到高興吧？)，入店內後，問佢有乜野食？佢話你自己睇放地下塊黑板！之後因為老人家的腰不好，要求佢可否換後面2張有靠背的椅，(其實當時店內完全無客人)，她面已很黑，我地都有講唔該。後來，一位穿西裝中年男士入座，她殷勤接待，又將menu 放在眼前，又話有午餐，很明顯她對待不同的客人有不同的準則，接待態度很不一樣，於是我地就問她為何不告訴我們有午餐，她大力將午餐黑板牌放我們檯上，然後發脾氣又擺走，說“我唔會遷就你地，你地唔鍾意就走！"跟着就話自己脾氣有問題，命令我地離開，不做我們生意!! 爺爺