影片
更多
2022-01-08
213 瀏覽
屋企人話想食海鮮，臨時決定去西貢食，我地上個星期先去西貢洪記食完（就係呢間）以為會揀第二間食，結果屋企人先我一步去到西貢就直接話同上次同上星期同一間😅😅其實上星期我已經寫過一篇洪記食評，覺得雖然有幾道海鮮係好味，但整體質素都係一般，都講過唔會再特登入黎食，不過我其他屋企人好似冇乜所謂咁……結果，今次果然中伏，啲海鮮衰過上次好多！不過待客態度冇得講，值得一讚👍🏻我地上次11人叫左12人餐，今次一共10個人，分左兩檯每檯一個$988既4人餐，上次覺得湯最好飲所以又每檯加左100蚊可以多一個海鮮湯🥣值得一講既係本身每個餐入面係得4隻扇貝，經理肯每檯比多一隻扇貝我地，每人都有一隻食👍🏻雖然套餐質素不抱太多期望，但真係好失望。講左個額外加既海鮮湯先，真係好好飲🤤🤤我本身都非常鍾意飲湯，呢個海鮮湯非常鮮甜，煲到完全係奶白色，入面有蜆、蝦🦐、豆腐和小白菜🥬，平時樓下餐廳叫一份細細碗既冬陰功湯都38蚊，入面得一隻蝦，先夠嗰一個人飲，呢個海鮮湯100蚊有成盆😍😍夠6-7碗，抵飲！但係呢……飲到沙🥵蜆處理得唔夠乾淨，湯入面飲到沙真係好掃興😐，但真係好抵同夠鮮甜，係我鐘意既味，沙未算好多，選擇性忽視🤥🤥，留
屋企人話想食海鮮，臨時決定去西貢食，我地上個星期先去西貢洪記食完（就係呢間）以為會揀第二間食，結果屋企人先我一步去到西貢就直接話同上次同上星期同一間😅😅其實上星期我已經寫過一篇洪記食評，覺得雖然有幾道海鮮係好味，但整體質素都係一般，都講過唔會再特登入黎食，不過我其他屋企人好似冇乜所謂咁……結果，今次果然中伏，啲海鮮衰過上次好多！不過待客態度冇得講，值得一讚👍🏻
我地上次11人叫左12人餐，今次一共10個人，分左兩檯每檯一個$988既4人餐，上次覺得湯最好飲所以又每檯加左100蚊可以多一個海鮮湯🥣值得一講既係本身每個餐入面係得4隻扇貝，經理肯每檯比多一隻扇貝我地，每人都有一隻食👍🏻雖然套餐質素不抱太多期望，但真係好失望。
講左個額外加既海鮮湯先，真係好好飲🤤🤤我本身都非常鍾意飲湯，呢個海鮮湯非常鮮甜，煲到完全係奶白色，入面有蜆、蝦🦐、豆腐和小白菜🥬，平時樓下餐廳叫一份細細碗既冬陰功湯都38蚊，入面得一隻蝦，先夠嗰一個人飲，呢個海鮮湯100蚊有成盆😍😍夠6-7碗，抵飲！但係呢……飲到沙🥵蜆處理得唔夠乾淨，湯入面飲到沙真係好掃興😐，但真係好抵同夠鮮甜，係我鐘意既味，沙未算好多，選擇性忽視🤥🤥，留到底既湯唔好飲都可以避免小小飲到沙既情況，不過一定係會有返幾粒嘎啦😵💫😵💫如果有機會再黎🥶一定會再飲湯，我真係好鍾意湯湯水水😂
但唔會為左呢碗湯特登去食洪記，因為其他海鮮今次真係令我好失望😡
第一個伏位，椒鹽鮮魷。上次食都唔係咁差，好香好脆；今次唔知廚房師傅搞咩，難食到我咬左一啖就講左句：哇，咁難食既🙄樓面擺上檯我都見到出面炸得唔夠色，好談既黃色，心知應該唔夠火候，但冇諗過咁難食🤢🤢成盤炸鮮魷好似喺係低溫油鍋入面浸熟而非炸熟🥴🥴完全冇高溫炸完之後麵漿水份流失酥脆既感覺，反而係軟糯既口感，唔講以為自己食緊浸過湯既麵糰；魷魚又切得好薄，一啲口感都冇，成盤魷魚一隻腳一條鬚都見唔到😑😑😑全部都係薄片薄片同薄片。真係難食到頂唔順，我話要換一碟，食完覺得好軟，炸得唔夠火候，出面面衣係軟既，樓面聽完之後面露難色，不過都係拎走碟魷魚返去廚房，一陣又拎返上檯。好小小但都係好難食😬係乾身左但因為魷魚本身切得太薄，炸完變得好硬😓兩個字講曬，難食！我試左下我地同行既第二檯佢地既鮮魷點樣，炸得好過我地啲啲，食到底嗰幾塊仲要冇曬味😑都係一樣咁薄，一條鬚都見唔到！
灼海蝦，呢個就ok喇，大隻得黎肉質鮮甜緊實，食得出係新鮮蝦，配左四碟辣椒豉油😂😂有啲多，一疊其實就夠，蘸小小醬汁會feel到小小辣味衝擊你既口腔，之後就係蝦既甜味，超正😆
鮑魚。四人餐有八隻，簡單既豉油調味，味道麻麻地😅第二個伏位係鮑魚冇幫手去內臟，肉又痴得好實，好難食落口，一唔小心個叉就叉穿啲內臟，爆曬漿咁😖
油菜。今次個油菜係生菜，個份量嚇死人，係少到嚇死人😑可能得一顆半生菜係入面。
龍蝦伊麵不過不失。
蒸扇貝。送多左隻比我地變成五隻，扇貝有啲細粒，調味正常冇乜特別。
總體黎講，今次好失望。炸鮮魷真係大伏，湯有沙，菜份量太少，鮑魚如果可以幫手清埋內臟就更好。
海鮮湯
3 瀏覽
0 讚好
0 留言
張貼
