星廚 (已結業)

本身住在太子，但很少會在太子搵食，反而經常出旺角，尖沙咀，忽略了自己這一區其實都有甚多出名的食店。今日媽媽過左太子陪我一起吃飯。星廚其十實已開業了一段時間，我睇住佢裝修到開張，但每次經過都多數是吃飽或是歸家煮飯。平時行過見到餐牌都幾吸引，價錢相宜，今日終於可以一試。餐廳內裝修簡單，約有十枱，空間不太。下午約二點到達，都幾乎全場滿座。洋葱圈 $30剛炸起出爐，新鮮熱辣，外面炸得香脆，裏面的洋蔥軟腍，是不錯的小食。蟹肉忌廉長通粉 $78長通粉煮得過腍，忌廉汁較稀，蟹肉鮮味不足，整個長通粉味道較淡。大蝦黑松露醬意大利粉 $68共有五隻蝦，蝦的體形大隻，彈牙爽口，但黑松露味較淡，意粉炒得爽口，味道不錯。焦糖燉蛋 $23好香的雲尼拿味及奶香，燉蛋是凍的，面層的焦糖很香脆，但燉蛋較甜，質感不太滑，比較膩。總括而言，食物質素中等，午市價錢便宜，份量十足，抵食之選。