揀得啱車仔麵 (已結業)

今日行經上環去拎野，咁岩見到間車仔麵個名幾得意，係樓上鋪黎既就入左去試下。 店面裝潢簡單，白底為主。 一行入鋪就見到佢地最新出既麻辣湯湯底米線， 睇落好正宗就叫左碗黎試下，餸方面，我先揀左個自選2餸的，我揀左蘿蔔、牛腩、牛肚、芝士腸、黑松露豬肉餃，小食方面就叫左個千杯不醉雞翼同咖哩豬皮加陳皮魚蛋。 個人認為蘿蔔同黑松露豬肉餃係必食，餃子的黑松露味道十足！ 蘿蔔的甜配上麻辣湯十分好吃！ 碗米線一到既時候一睇就見到湯底既製作材料十足，但對我黎講就唔夠辣，如果有得揀辣度更好而小食方面，豬肉的入味程度十足！ 行過有興趣既朋友可以去一試。