影片
更多
2023-12-28
2574 瀏覽
雖然我肥屍大隻，十度以上仲頂得住，但十度如下就頂唔到啦覺得凍啦! 原本想話去D深水埗露天大排檔提早做冬，都迫於無奈，轉去D室內地方，但大排檔引仍然發作，於是去D室內嘅大排檔，又想試試新嘢，於是去咗深水埗街市上面大利大排檔.首先，哩個深水埗熟食中心，環境絕對講唔上乾淨! 其實連紅磡，牛頭角，旺角，佐敦，D熟食中心都係咁! 問題係..... 大家都係政府嘢，大埔粉嶺上水就乾淨企理! 九龍哩邊就愛理不理! 下刪千字粗口!睇個地下，廁所，同D通道就絕對唔開胃，但樓底極高好有空曠感，冬天就話舒服，唔知夏天冷氣夠唔夠.我地一行三人，條待應妹妹俾咗張超污糟又角落唔舒服嘅位俾我地，女友小熊臉色即黑，我提意轉場，待應妹妹即刻俾張舒服乾淨D嘅位俾我地.點咗薑蔥魚雲，椒鹽豆腐併椒鹽雞軟骨，蒜蓉豆苗同黑椒牛仔骨.優點:1, 薑蔥魚雲煲有大量我大愛嘅蔥段，攪到好似蔥先係主菜，魚雲肉質嫩滑有鮮味，滿意.2, 黑椒牛仔骨有大量洋蔥, 又好似洋蔥先係主角.3, 價錢大眾化，望埋去D小菜都係 under 100蚊.缺點:1, 薑蔥魚雲煲講明係薑，但薑少得可憐!2, 椒鹽雞軟骨過硬，食唔落好浪費!3, 牛仔骨過火變韌.4
首先，哩個深水埗熟食中心，環境絕對講唔上乾淨! 其實連紅磡，牛頭角，旺角，佐敦，D熟食中心都係咁! 問題係..... 大家都係政府嘢，大埔粉嶺上水就乾淨企理! 九龍哩邊就愛理不理! 下刪千字粗口!
睇個地下，廁所，同D通道就絕對唔開胃，但樓底極高好有空曠感，冬天就話舒服，唔知夏天冷氣夠唔夠.
我地一行三人，條待應妹妹俾咗張超污糟又角落唔舒服嘅位俾我地，女友小熊臉色即黑，我提意轉場，待應妹妹即刻俾張舒服乾淨D嘅位俾我地.
點咗薑蔥魚雲，椒鹽豆腐併椒鹽雞軟骨，蒜蓉豆苗同黑椒牛仔骨.
優點:
1, 薑蔥魚雲煲有大量我大愛嘅蔥段，攪到好似蔥先係主菜，魚雲肉質嫩滑有鮮味，滿意.
2, 黑椒牛仔骨有大量洋蔥, 又好似洋蔥先係主角.
3, 價錢大眾化，望埋去D小菜都係 under 100蚊.
缺點:
1, 薑蔥魚雲煲講明係薑，但薑少得可憐!
2, 椒鹽雞軟骨過硬，食唔落好浪費!
3, 牛仔骨過火變韌.
4, 蒜蓉豆苗蒜蓉不足.
一份錢一份貨，試過一次就算了，如果唔係價錢較平相信俾負評了.
張貼
