JK Kitchen (已結業)

今日放假行銅鑼灣，行到登龍街見好多餐廳，open rice 一下，搵到JK kitchen 食越南菜，心郁郁想試吓。上到樓，餐廳裝修簡約舒適。有一種悠閒寫意嘅感覺，唔似一般越菜餐廳又嘈又迫。除咗一般湯河檬粉仲有小菜，幾多選擇。呢個係越式春卷湯河，碗河粉好大碗，條條河粉都好幼滑，湯底清甜。春卷炸得好脆，涵料十足，點埋附上嘅魚露，酸酸地好惹味。呢個係生熟牛肉pho, 牛肉有咬口，湯底比春卷河濃啲啲，河粉一樣幼滑。侍應不停幫我地加水，招呼周到。越式甘蔗蝦，呢個係越菜必食，蝦肉炸到金黃色，賣相好吸引。蝦肉好入味，食完成隻蝦肉，一定要食埋甘蔗，啜吓啲甘蔗汁，清甜味美，中和返炸蝦嘅熱氣。呢條甘蔗除咗有甜味，仲有啲蝦味，混埋一齊好特別。總結，呢一餐性價比甚高。