影片
更多
2010-12-14
74 瀏覽
給電視一講, 小小的佳佳又變為長龍店, 佳佳和英記油渣麵都是我讀中學時的部份美味回憶, 想當年就在大角咀讀書, 和同學們放學後最喜歡溜去英京戲院亂食一輪才回家, 車仔麵, 油渣麵, 咖喱魚旦, 牛雜, 椰汁, 馬蹄露, 炸大腸, 炸四寶等等應有盡有, 英京戲院一帶簡直就是當年我這等發育期大食怪的天堂當年的佳佳和英記都是沒名字的街邊檔, 我返學前的早餐不是食車仔麵就係油渣麵. 漸漸英京戲院的流動小販因走鬼走得勁而越來越少, 而佳佳和英記也相繼入鋪亦有了店名. 畢業後偶也會到訪這兩故店和老同學回味一番. 星期六早上要往大角咀附近工作, 因利乘便下午 2:30 走到福全街的佳佳 ( 真不明白明明福全街在大角咀, 為何電視 和 open rice 都把佳佳列入旺角區 ? ) 嘩! 有無攪錯, 門外有十幾二十人在排隊, 我從來無見過佳佳出現這個畫面. 在附近走了一圈回來還是咁多人, 英記又未夠鐘開門, 祗好死死氣的排隊 ! 人龍前進得極慢......因很多人都是看了電視才來拜訪的區外客, 大部份人在排隊時都無想定要食什麼, 埋到檔位前才左想右想又拿不定主意, 叫一碗麵足足要花幾分鐘時間, 祗
讀中學時的部份美味回憶, 想當年就在大角咀讀書, 和同學們
放學後最喜歡溜去英京戲院亂食一輪才回家, 車仔麵, 油渣麵, 咖喱魚旦, 牛雜, 椰汁, 馬蹄露,
炸大腸, 炸四寶等等應有盡有, 英京戲院一帶簡直就是當年我這等發育期大食怪的天堂
當年的佳佳和英記都是沒名字的街邊檔, 我返學前的早餐不是食車仔麵
就係油渣麵. 漸漸英京戲院的流動小販因走鬼走得勁而越來越少,
而佳佳和英記也相繼入鋪亦有了店名. 畢業後偶也會到訪這兩故店和老同學回味一番.
星期六早上要往大角咀附近工作, 因利乘便下午 2:30 走到福全街的佳佳
( 真不明白明明福全街在大角咀, 為何電視 和 open rice 都把佳佳列入旺角區 ? )
嘩! 有無攪錯, 門外有十幾二十人在排隊, 我從來無見過佳佳出現這個
畫面. 在附近走了一圈回來還是咁多人, 英記又未夠鐘開門, 祗好死死氣的排隊 !
人龍前進得極慢......因很多人都是看了電視才來拜訪的區外客, 大部份人在排隊時都無想定
要食什麼, 埋到檔位前才左想右想又拿不定主意, 叫一碗麵足足要花幾分鐘時間,
祗見佳佳 2 位大姐眼神無奈的不停催促快點快點, 樣樣都咁好食, 唔駛諗咁多啦.......
應知車仔麵文化就係要快, 由煮麵叫餸到埋位食麵應在 2 分鐘內完成,
遇着這些襯熱鬧或一年都唔會幫襯一次的客人也真係好頭痕
我點了幼麵 + 豬腸 + 牛腩 + 豬紅 + 炸芋圓, 很想食柚皮, 但阿姐告訴我柚皮未稔, 唔好食了, 失望呀!
幼麵全完唔掂, 好0鞋又唔爽
豬腸 - 由以前到現在都係咁好味, 用鹵水泡製的新鮮豬腸有0趙頭沒臊味,
但少得可憐, 6元的豬腸祗得零仃又薄薄的四五舊
牛腩 - 好味, 碎腩稔滑又帶點點脂香 ( 車仔麵是要用碎腩才正宗的 ) 但又係少到你唔信
豬紅 - 好幼滑
炸芋丸 - 這個是心機之作, 如果喜歡吃芋頭的朋友一定會喜歡的, 但五元祗有3 小粒
辣汁 - 甜香辣, 幾十年都無走樣, 正
這碗車仔麵 $28, 但無論麵 ( 我已經叫了 2 個麵餅 ) 和餸的份量都比以前少,
真係三扒兩撥就食哂兼唔飽.
佳佳車仔麵味道是中上的, 但和我心愛的發記比, 還是發記好味和大碗.
其實電視和雜誌這樣推舉一間小店, 真係唔知幫佢定害咗佢
張貼
