瀰月屋 (已結業)

這店在天后時，有好多傳媒介紹，我已經好想去試一試。但天后始終對我嚟講太遠喇！近日朋友話我知尖沙咀開左分店，所以即刻去試下啦！這裏的環境同其他食店唔同，無實在的門口。但佈置真係好有日本feel。我同朋友三人叫左個瀰月三色及茶巾瀰月三色有湯菓子、葛軟糍、茶巾，湯菓子揀左紫薯糖水的紫薯唔係好淋，相信係想保持賣相，鍾意他們細心的將薑汁分開，客人可因自己口味而加多加少，個人覺得凍湯味道配埋薑汁啱啱好，唔會太甜。另外第一次食葛軟糍，有黑糖味及原味，醮上黃豆粉吃，質感爽口煙韌，好好味！夏天食啱食，好過食啫哩。茶巾係兩種甜薯，外表好靚，薯味重，亦唔會太甜，食得出是薯本身的甜味。如果同朋友食完飯嚟座吓都唔錯，食物味道唔錯，但個人覺得真係唔係好抵.