C.P.U. Cafe (已結業)

舊同事下星期又有新工返，今晚約咗出嚟同佢 聚舊一下。先講呢間餐廳嘅地理位置，位於 K11 商場 2樓，但上到 2/F 其實都幾難搵，因為水牌係唔見有呢間餐廳嘅。兩個人叫咗兩個餐，分別係雜菌扁意粉同埋咖哩牛腩飯，但係由於肚餓嘅關係就叫多咗個fish and chip 做一個小食。唯一surprise 就係 fish and chips 嘅魚本來我諗住係一大件上， 但嚟到先發覺佢係一條條嘅手指魚。再叫多杯花茶同埋奶昔，埋單大概350蚊。 呢度食物質素冇話咩大驚喜，但由於人少的關係，這裡的確是一個傾計和朋友聚會的好地方。