東寶小館 (已搬遷) 新店位置

東寶一向都串，成日要等位，訂位都要等，亦未必一定有位，仲要大排檔都收服務費。但天天仍然大排長龍，無他的，這類大排檔愈來愈少。東寶一早已打響名堂，叫做出晒名。即係想起大排檔或鑊氣小炒就會想起東寶。今日再來光顧，6時未夠就到達，可幸有4位檯。叫了招牌沙拉骨，保持水準；薑葱魚云煲魚云太乾身亦細件，無肉食，唔得。蛋白蒸花蟹，花蟹很鮮又多膏，但蛋白又濃奶味完全食唔到蟹的鮮味滲入。荷葉飯做得出色，很乾身，味道又濃又多料。