籽樂廚房 (已結業)

呢間係社企嘅餐廳，真係值得支持。午市有午餐，而且價錢合理。午餐包餐湯、麵包及飲品。叫咗煙三文魚、特級蟹柳、麻醬冷麵，麵質較粗，份量都幾多。麻醬夠香，煙三文魚又唔腥，都唔錯。另外，仲叫咗全日早餐：有香蕉窩夫，幾好食，入邊香蕉好香，熱辣辣。仲有煙三文魚、茄汁豆、漢堡扒，漢堡扒幾香，煎得唔錯。仲有沙律菜及溫泉蛋，非常豐富。餐湯整得幾靚，有個花咁，而且入邊帶少少薑味，南瓜湯來講幾好飲。餐包係蒜蓉包，夠香脆。餐廳環境坐得舒服，食物質素唔錯，應該多多支持。