丸十日本食堂 (已結業)

好耐冇行過葵芳, 發現開左好多新餐廳, 丸十日本食堂裝修得好有日本FEEL, 加上以主打日本精米食材, 即刻就吸引左我入去試 。自家製玉子燒 $58去到每一間的日本餐廳, 我第一樣就食玉子燒因為最鍾意食, 而且玉子燒做法簡單,如果連玉子燒都整唔好, 都唔使試其他野食。玉子燒主要材料都係雞蛋, 食落好有蛋香味，入口鬆軟，令人回味無窮。8件的雜錦壽司盛合 $118魚生食落都好新鮮，壽司米做得特別出色食落煙韌, 比起其他壽司店的米佢的精米粒粒分明, 有米香得黎食落更豐富。燒豚肉丼 $108食丼飯有温泉蛋最正, 可以有2種食法。先食有醬油的飯, 食到差不多就整食温泉蛋撈埋食仲滋味, 不過醬油再多少少會更好。至於豚肉方面肥瘦適中而且好厚身, 食落好香口, 食物份量正常。