PASTEAKO

餐廳係要套餐嘅形式，每一位388,包咗前菜牛扒意粉同埋甜品，都幾方便可以俾我哋呢啲選擇困難症嘅人方便啲諗🙈🙈 餐廳位置非常方便，位於元創方，我哋喺中環慢慢行過去都非常方便🙈 前菜都係普通嘅沙律就冇乜特別🙈 係個汁幾好食跟住就去到佢嘅重頭戲牛扒，我就揀咗肉眼，我覺得餐廳推介嘅生熟程度做得非常好，絕對唔會做得太乾，咬入口都非常之juicy, 意粉亦都做得非常出色，好鍾意佢本身條配嘅醬汁，同個味本身夾，用嘅手工意粉非常特別，喺出邊好少普通餐廳會食到🙈 呢個都係呢一個餐廳嘅特別之處🙈 tiramisu 亦都做得好味，充滿酒香，整體呢一間餐廳都不錯🙈