夏捌月 (已結業)

朋友為我慶祝生日，女士談心，西餐就最適合不過！夏捌月之前都來過幾次，裝修新，燈光温和，好適合拍拖同傾計！兩位女士，點了一個主菜同一個飯。加23蚊有餐湯和凍飲是日餐湯，粟米蘑菇湯，味比較濃，多料！慢烤帶骨肉眼牛扒配牛骨髓汁，建議七成熟，美國牛肉，重牛味，多肉汁，牛骨髓汁亦吸收左肉汁，有好濃郁既牛味！蟹膏蟹肉大啡菇意大利飯，重點推介～好香濃蟹膏味，意大利飯煮法令到每一啖飯都有蟹膏同蟹肉，好啱愛蟹既女士，不需落手就能夠食到啖啖蟹肉同蟹膏！店員服務好好，落單，傳菜，收錢都係同一個人，但都會笑容滿面！讚👍食物份量足，午餐抵食，晚餐一樣抵食！