夏捌月 (已結業)

之前嚟呢間餐廳食過兩三次，試過意粉同羊扒，覺得好好食，今次再嚟食晚市，點知差咗好多，令人非常失望。今次叫咗紐西蘭牛柳10安士($158)，叫五成熟佢俾咗七成熟有多，而且舊肉好厚，但完全冇肉味，要靠點曬成兜洋蔥汁先有啲味道，真心難食。男朋友叫咗元貝配炸魚柳炸豬扒($118)，魚柳同茶餐廳冇分別，舊豬扒切唔開，仲好似冇醃咁一啲味都冇。不過餐湯同檸檬茶幾好飲，但主食就好難食，呢個價錢真係一啲都唔值，寧願食番Anna，冇下次。