Lex Coffee (已結業)

喺堅尼地城附近番工，成日經過Lex Coffee門口都比佢個門面吸引，覺得好high-class，想試好耐。今日難得約到朋友黎堅尼地城陪我食晚飯試下。一入去覺得空間感十足，事關餐廳樓底好高，唔會覺得侷促。牆邊放滿畫同藝術品，充滿藝術氣息～🥰就算係坐底食一陣野都覺得自己高級左～黎到coffee shop梗係要嗌番杯野飲先啦。揭揭下餐牌比一款叫「藝術打印咖啡」吸引住。上層嘅圖畫店員比左幾款我揀，我揀左「星空」。本身驚飲完咖啡睡唔著。原來重可以揀朱古力或咖啡底架！我揀左朱古力。一上枱真係靚到唔捨得飲！「星空」🌃好夢幻啊～😍上層嘅藝術打印畫係用忌廉整成嘅。下層嘅朱古力🍫 原來係凍嘅。連埋上層嘅忌廉一齊飲又滑又香～虎蝦意粉有兩大隻虎蝦，預先剝左殼，啖啖肉，食得爽快！意粉選用扁意粉，軟硬適中有口感。混入蕃茄醬食落清新開胃。旁邊重有幾粒蕃茄仔做配菜。蕃茄仔粒粒圓滾滾，夠多汁。班尼迪克蛋煙三文魚多士除左班尼迪克蛋同煙三文魚，重有牛油果🥑。多士旁有芒果、蕃茄同洋蔥粒。芒果酸酸甜甜好清新！👍🏻 班尼迪克蛋係流心架～😍刺穿班尼迪克蛋，將蛋汁拌三文魚同吃，好正！😋沙律菜爽脆，多士外脆內軟。韓式泡菜意大利飯配辣