影片
更多
2022-06-11
274 瀏覽
今日同朋友黎到哩間位於西營盤既日本餐廳。餐廳環境寬敞舒適，L形既吧台位置能夠睇到師傅製作食物既過程。哩到既omakase非常特別，全部都係經過熟成既魚類，肉質會比較軟腍，蛋白質會轉化為氨基酸，魚肉味道亦會更突出～✨ 全熟成Omakase $2300🔸前菜：靜岡 糖蕃茄·青森 海菠蘿·富山 螢光魷魚糖蕃茄清甜多汁；海菠蘿配上自家調製既酸汁，質感清爽；清心螢光魷魚爽口彈牙。🔸慢煮 北海道 蝦夷鮑蝦夷鮑用慢煮嘅形式製作，相當新鮮，肉質彈牙入味，蘿蔔清甜無渣，旁邊係用鮑肝製成既醬，味道鹹香鮮味，點上一啲，再加上壽司飯一齊食，味道香醇。🔸茶碗蒸茶碗蒸滑溜，青森白魚數量非常多，每一啖都會食到，內裏既長崎平貝肉肉質結實彈牙。🔸 農家三漬包括味噌蒜頭漬、青瓜、蘿蔔。🔺刺身及壽司熟成8日 福岡 伊佐木熟成21日 北海道噴火灣 時不知鮭福岡 一年蠔北海道 東沢白海膽、兵庫 河豚白子伊佐木經過熟成後，肉質更為柔軟，魚香亦更突出；時不知鮭1000條入面先有1條，肉質同味道平時食開既有啲唔同，魚味會更香更濃；一年蠔口感清爽，味道鮮甜，配上柚子啫喱；白子質感幼滑，白海膽大粒鮮甜，質感creamy，兩者配搭係口腔融
哩到既omakase非常特別，全部都係經過熟成既魚類，肉質會比較軟腍，蛋白質會轉化為氨基酸，魚肉味道亦會更突出～
✨ 全熟成Omakase $2300
🔸前菜：靜岡 糖蕃茄·青森 海菠蘿·富山 螢光魷魚
糖蕃茄清甜多汁；海菠蘿配上自家調製既酸汁，質感清爽；清心螢光魷魚爽口彈牙。
🔸慢煮 北海道 蝦夷鮑
蝦夷鮑用慢煮嘅形式製作，相當新鮮，肉質彈牙入味，蘿蔔清甜無渣，旁邊係用鮑肝製成既醬，味道鹹香鮮味，點上一啲，再加上壽司飯一齊食，味道香醇。
🔸茶碗蒸
茶碗蒸滑溜，青森白魚數量非常多，每一啖都會食到，內裏既長崎平貝肉肉質結實彈牙。
🔸 農家三漬
包括味噌蒜頭漬、青瓜、蘿蔔。
🔺刺身及壽司
熟成8日 福岡 伊佐木
熟成21日 北海道噴火灣 時不知鮭
福岡 一年蠔
北海道 東沢白海膽、兵庫 河豚白子
伊佐木經過熟成後，肉質更為柔軟，魚香亦更突出；時不知鮭1000條入面先有1條，肉質同味道平時食開既有啲唔同，魚味會更香更濃；一年蠔口感清爽，味道鮮甜，配上柚子啫喱；白子質感幼滑，白海膽大粒鮮甜，質感creamy，兩者配搭係口腔融化超幸福！
🍣壽司
餐廳既壽司飯用上日本新潟月光米，再加上赤醋及米醋，壽司溫度較高，更突出魚肉熟成後的變化～
熟成4個月 日振島 大吞拿魚腩
熟成4個月 青森 中吞拿魚腩醬油漬
熟成9日 熊本 小肌
長崎 平貝
富山 白海老
熟成7日 大分 關池魚
北海道 慢煮鮟鱇魚肝
北海道 沙甸
熟成10日 北海道網走 喜知次
熟成10日 青森 鯖魚海老卷
大及中拖羅入口半融化，油脂豐富，熟成既肉慢慢咀嚼，味道及肉質會更有層次，微咸醇厚；小肌魚肉較有質感；平貝肉質彈牙；白海老肉質鮮滑；關池魚熟成後更鮮甜，魚肉更滑身，質感較爽；鮟鱇魚肝用65度慢煮，質感軟滑creamy；沙甸魚魚香突出，但唔會腥；喜知次充滿魚油香，肉質鮮美，加上用肝製作既醬汁，好食推介👍🏻鯖魚海老卷紫蘇葉味道突出。
🐟濃厚魚湯烏冬
烏冬彈牙有勁道，魚湯味道濃郁。
🍈山梨 香印提子、北海道 赤肉蜜瓜
蜜瓜同提子都香甜多汁，係日本既味道。
整體黎講，餐廳環境寬敞舒適，廚師發板採用已經熟成既魚肉，非常特別，如果想食一餐特別既omakase，都好推介黎試下。
張貼
