影片
更多
2022-11-10
512 瀏覽
深水埗稍有名氣的小店，鋪仔細細，座位間都比較窄，都算係越南風😂！ 餐牌選擇不算多，咁都好，我更偏好小店限制選擇做好食品！ 今次試試蟹肉蕃茄湯濛和越南米紙卷。越南米紙卷，$40，一份兩條，亦可以叫雙份。是預製好和凍食的（室溫）。精華在於個汁！難怪餐牌上可以叫多一份醬汁（$5）！米紙卷是米紙包住粉仔、蝦肉、扎肉、少許香草同沙律，相信不少越南餐廳都有。但特別在於個醬汁！是花生、麻醬之類的底味再加上炸蔥蒜和醃蘿蔔，正好配淡香既米紙卷食！招牌菜：蟹肉蕃茄湯濛（其實我唔記得係蟹肉定蟹膏），賣相幾吸引！有蕃茄、香菜、生菜、扎肉兩塊、豆卜同豬紅，當然唔少得蟹肉餅！濛粉幾好食，唔會話浸到好林；湯頭都好飲，不過食耐左覺得茄膏味太濃，都有少少口渴。面頭d送好好食！扎肉厚切又有胡椒味有驚喜。重中之重既蟹肉餅都好濃味！一舊仔但一路食都覺得好滿足！埋單 $100，食物雖然係粉麵唔係咩精緻野，但咁既市道都叫對得住個價錢。順帶一提，佢呢到d辣椒係自己種好鬼辣！
餐牌選擇不算多，咁都好，我更偏好小店限制選擇做好食品！
今次試試蟹肉蕃茄湯濛和越南米紙卷。
越南米紙卷
$40
38 瀏覽
0 讚好
0 留言
越南米紙卷，$40，一份兩條，亦可以叫雙份。是預製好和凍食的（室溫）。精華在於個汁！難怪餐牌上可以叫多一份醬汁（$5）！米紙卷是米紙包住粉仔、蝦肉、扎肉、少許香草同沙律，相信不少越南餐廳都有。但特別在於個醬汁！是花生、麻醬之類的底味再加上炸蔥蒜和醃蘿蔔，正好配淡香既米紙卷食！
蟹肉蕃茄湯濛
$60
28 瀏覽
0 讚好
0 留言
招牌菜：蟹肉蕃茄湯濛（其實我唔記得係蟹肉定蟹膏），賣相幾吸引！有蕃茄、香菜、生菜、扎肉兩塊、豆卜同豬紅，當然唔少得蟹肉餅！濛粉幾好食，唔會話浸到好林；湯頭都好飲，不過食耐左覺得茄膏味太濃，都有少少口渴。面頭d送好好食！扎肉厚切又有胡椒味有驚喜。重中之重既蟹肉餅都好濃味！一舊仔但一路食都覺得好滿足！
埋單 $100，食物雖然係粉麵唔係咩精緻野，但咁既市道都叫對得住個價錢。
順帶一提，佢呢到d辣椒係自己種好鬼辣！
張貼
