榮式燒雞扒 (屯門時代廣場北翼)

營業中

休息中

榮式雞扒都出曬名，成日LUNCH去食都坐滿，今次想寫下佢食評，於是去下。好彩今次唔洗等位，一去就有位坐。不過，侍應姨姨真係令人尷尬，佢話：「靚仔，坐個到呀」（佢無帶位，無指住，齋講），咁我未行去睇下有咩空位，阿姨就話：「係個個，坐係靚女對面」，你話令幾咁唔好意思呢！一坐低，我就叫左雞藕天成飯黎食，呢個飯有塊招牌雞扒，加埋兩大塊既蓮藕肉餅，呢個肉餅係炸既，好似食薯餅咁，不過佢就好香蓮藕味。至於雞扒，肉味少d，表面有黑椒，再加秘製醬汁，非常惹味。呢個都算好食，又唔貴，唔怪得咁多人黎到嗌呢個食！