갈비궁 Galbi Gung

營業中

休息中

圍方唔知有咩好野食，但就係好想食牛😂睇到依間新餐廳都好似幾我屋企，啲相睇落又靚啲牛油有雪花紋就去一試～.三筋肉配肩芯肉（各2件）呢個三筋肉係稀有部位，食落同平時嘅和牛好唔同，肉質比較有嚼口，食落一啲都唔膩！對比起平時嘅和牛，佢個肉味會更加香濃，不得不說作為壽喜燒佢完全perfect，再配埋蔥同埋蛋黃，回味無窮🥹.現切和牛呢度仲有個小遊戲，佢有一個現切和牛，如果完全估中重量，就成嚿和牛免費，係完全免費！當然啦邊有人咁犀利真係完全估中晒，如果差5克或者10克都有唔同嘅折扣，都可以享有高達五折。和牛肩胛背牛味濃郁，整出嚟啖啖肉，牛魔王最愛！.和牛牛舌盛合 / 青瓜青檸梳打佢個和牛牛舌盛盒有成三款牛，簡直係選擇困難者嘅幫手，你心思思諗食咩，全部都有得食。