戀茶舍 (兼善里) (已結業)

芝士玫瓏脆啵啵一開頭唔知係咩，問左店員原來係蜜瓜沙冰，最中意蜜瓜既我即刻決定要試下佢。拎上手好大杯，奶蓋厚厚一層超吸引。拿拿聲番到屋企上飲，首先飲到底層既蜜瓜沙冰，後尾仲咬到啲好爽口既啵啵珠，冇珍珠咁煙韌但都好有口感，我中意呢個多過珍珠。揭開蓋飲個奶蓋，咸咸地既芝士奶蓋好幼滑又濃厚，忍唔住係咁飲係咁飲，下次要加奶蓋先得。奶蓋系列仲有芝芝芒芒、芝芝草莓，好想試晒佢呀。買左杯清清地既碳香烏龍茶比媽咪，加左佢最中意既芋圓。飲左啖真係有淡淡既碳燒香味，芋圓好煙韌，都唔錯。