影片
更多
2022-06-12
65 瀏覽
之前同朋友試過深水埗嘅《炯記手撕雞》，覺得佢個鵝油撈麵幾特別，燒鵝好好味，呢日同媽咪嚟咗長沙灣，見到間街舖又係叫”炯記”—— 《炯記餐室》，一於帶媽咪去試吓呢間餐室同深水埗嘅《炯記手撕雞》格局有啲唔同，呢度空間感大，餐枱間有充足嘅距離；有卡枱，圓枱，吧枱選擇；裝修清新簡約，店內擺放少量植物，感覺舒適 🪴餐室嘅menu除咗有鵝油撈麵，仲有啲深水埗店無嘅菜式，例如”手撕雞牛角包”、”All Day Breakfast”、米線、咖喱飯、炒蛋飯、煎蛋飯…… 呢到嘅飲品選擇仲有特飲添，不過原來呢度係冇燒鵝食㗎！唯有嗌其他餸去配個鵝油撈麵啦！😅由於媽咪最想試鵝油撈麵，我哋叫咗2個招牌撈麵餐，加多個小食🔸銷魂腩叉撈麵叉燒半肥瘦，燒汁調味出色同鵝油撈麵都好襯喎！🔸炯記四寶撈麵(手撕雞、豬手、牛腩、牛肚）手撕雞可以揀鹽焗或者麻辣，媽咪就我揀咗鹽焗，味道鹹香醬皇豬手非常入味，口感軟滑，完全無豬羶味，媽咪大讚好好味👍🏻牛腩同牛肚又腍又入味媽咪第一次食鵝油撈麵讚佢無鵝膻味，無乜油膩感，粗麵嘅麵條質感煮得啱啱好，麵嘅份量都幾多～🔸炯記三皇盤（蒜香雲耳、蒜辣鳳爪、鹽焗鵝腎）雲耳嘅蒜香味濃郁鳳爪無骨，辣味溫和鵝腎爽
呢間餐室同深水埗嘅《炯記手撕雞》格局有啲唔同，呢度空間感大，餐枱間有充足嘅距離；有卡枱，圓枱，吧枱選擇；裝修清新簡約，店內擺放少量植物，感覺舒適 🪴
餐室嘅menu除咗有鵝油撈麵，仲有啲深水埗店無嘅菜式，例如”手撕雞牛角包”、”All Day Breakfast”、米線、咖喱飯、炒蛋飯、煎蛋飯…… 呢到嘅飲品選擇仲有特飲添，不過原來呢度係冇燒鵝食㗎！唯有嗌其他餸去配個鵝油撈麵啦！😅
由於媽咪最想試鵝油撈麵，我哋叫咗2個招牌撈麵餐，加多個小食
🔸銷魂腩叉撈麵
叉燒半肥瘦，燒汁調味出色
同鵝油撈麵都好襯喎！
🔸炯記四寶撈麵
(手撕雞、豬手、牛腩、牛肚）
手撕雞可以揀鹽焗或者麻辣，媽咪就我揀咗鹽焗，味道鹹香
醬皇豬手非常入味，口感軟滑，完全無豬羶味，媽咪大讚好好味👍🏻
牛腩同牛肚又腍又入味
媽咪第一次食鵝油撈麵
讚佢無鵝膻味，無乜油膩感，粗麵嘅麵條質感煮得啱啱好，麵嘅份量都幾多～
🔸炯記三皇盤
（蒜香雲耳、蒜辣鳳爪、鹽焗鵝腎）
雲耳嘅蒜香味濃郁
鳳爪無骨，辣味溫和
鵝腎爽口，鹽焗味特出
🔸南瓜紅蘿蔔雞湯
呢個老火湯清清地，媽咪都讚幾有火喉
🔸番石榴四季春烏龍茶(少甜)
番石榴味同茶味balance得幾好！少甜啱哂我👍🏻
以為炯記係集團經營，每一間嘅菜式都會一樣，今次發覺原來深水埗同長沙灣店都有唔同嘅風格，今次同媽咪嚟食，冇叫到長沙灣店特有嘅手撕雞牛角包，不過我覺得呢個組合非常特別，佢仲有成個display櫃show 佢出嚟添，下次有機會再嚟附近嘅時候，都想試吓！🐔🥐
張貼
