千之味刺身壽司專門店 (雅都花園)

營業中

休息中

冇左晚市堂食，搞到啲無飯家庭非常苦惱，千之味真係性價比高，可以再encore好，睇吓有咩好食先。天氣凍冰冰唔想食壽司刺身，仲可以選熱辣辣便當。日式豬軟骨飯定食，豬軟骨煮得腍身，個醬汁剛剛掛到豬軟骨，食落啖啖肉，軟骨又索索聲。燒汁牛肉飯定食，便當入面有沙律菜同辣味螺肉，飯量充足，牛肉大大塊，仲有牛肉汁，拌飯一流。蟹柳玉子燒，厚厚玉子燒咬落軟綿綿，而且好有蛋味。炸物同樣岀色，炸到金黃色，吉列炸蠔脹卜卜，係酥脆炸感。七味雞翼，上面有七味粉嘅香味，雞翼裡面都醃得入味。