巴打火鍋館 (已改名) 查看

我今日食咗呢間餐廳嘅招牌鍋，鍋底真係超級豐富，裡面有好多材料，包括豬骨、豬手、豬腸、豬肚、蝦乾、蘿蔔、蕃茄、粟米同埋扇貝等等。湯底好香濃，非常甜美，我前前後後飲咗四碗湯，唔夠仲可以加湯，實在太過癮！除咗火鍋之外，我仲試咗餐廳嘅其他小吃。鬼馬炸油條真係一絕，佢地即叫即炸，保持咗油條嘅酥脆口感。同埋佢地嘅紫菜響鈴都好特別，紫菜香脆，加埋響鈴嘅鮮味，好好味，好過癮。另外，我亦試咗竹笙釀蝦滑同自製芫茜餃，竹笙釀蝦滑質感鮮嫩，鮮味十足。芫茜餃則係餐廳自家製作嘅，皮薄餡多，芫茜味道濃郁，非常好味。仲有餐廳嘅花雕鮮雞件同沙白蜆，雞件鮮嫩，沙白肉厚多汁，真係令人回味無窮。最後加埋凍嘅可口可樂，爽！非常推薦大家黎試一試！