富華餐廳 (已結業)

今天去火炭做完野，在沙田坐巴士回家土瓜灣，點知太累，睡著了，過了站，想起巴士總站翔龍湾附近，有些未試過的餐廳，所以來了這裡。看到餐牌上有咖哩雞飯，有個咁嘅圖案👍，應該係廚師推介，便揀了這個。咖哩汁內有洋蔥、青椒、紅椒、薯仔、雞，咖哩唔係巴基斯坦做法，而係咖哩粉加花奶，所以味道偏淡，雞沒有同咖哩一齊煮，應該係將薯仔同雞煎過，然後將咖哩汁倒在配料上，所以配料同咖喱味係分開，我諗如果一齊煮，雞肉吸收了咖哩味會好些，最好味反而係薯仔😋😋😋，另外碟白飯好多，以$37價錢算低。不過杯鴛鴦就幾好味。今次我覺得呢個飯好一般，再來都試試其他。