影片
更多
2021-09-21
677 瀏覽
Bookmark左呢間銅鑼灣小店超耐！好多人都大讚佢嘅慢煮安格斯封門柳意粉！而佢最近仲推岀左海膽意粉！即刻心心眼左~樓上cafe 𝘾𝙤𝙛𝙛𝙚𝙫𝙚𝙧 細細間，座位唔算好多，weekend就最好book定位啦~ 夜晚黎到，set dinner選擇唔算好多，不過就有齊前菜、餐湯、主菜、甜品、飲品，份量十足~𝙎𝙚𝙩 𝘿𝙞𝙣𝙣𝙚𝙧𝒜𝓅𝓅𝑒𝓉𝒾𝓏𝑒𝓇🐣慢煮雞胸沙律雞胸肉質相當軟腍，入口香草味濃郁。𝒟𝒶𝒾𝓁𝓎 𝒮𝑜𝓊𝓅🥔椰菜花濃湯椰菜花濃湯比想像中富鹹香，有粒粒薯仔增添口感。ℳ𝒶𝒾𝓃 𝒞𝑜𝓊𝓇𝓈𝑒🐮慢煮安格斯封門柳 (10oz) • 炸薯棗 • 阿根廷青醬 $288基本上個個嚟到都會嗌封門柳！厚切封門柳望落好紅好生，但又唔會有血水滲出。肉質柔軟好有咬口，略嫌牛味偏淡 ，勝在醬汁味道唔會太重而蓋過牛香。當日黎到無晒炸薯棗，以炸薯條取代，香脆飽滿富鹹香。🌊極濃海膽扁意粉 $220完全係為左呢碟意粉而黎！見到每條意粉都裹滿海膽醬汁，仲有大大塊炙熱海膽舖面，真係流晒口水！麵條軟硬適中，可惜單食意粉 海膽味比想像中淡，有小小失望。(究竟係咪我太重口味?!) 不過舖面嘅海膽落得毫不手軟，毫無腥臭味。將面頭成塊海
樓上cafe 𝘾𝙤𝙛𝙛𝙚𝙫𝙚𝙧 細細間，座位唔算好多，weekend就最好book定位啦~ 夜晚黎到，set dinner選擇唔算好多，不過就有齊前菜、餐湯、主菜、甜品、飲品，份量十足~
𝙎𝙚𝙩 𝘿𝙞𝙣𝙣𝙚𝙧
𝒜𝓅𝓅𝑒𝓉𝒾𝓏𝑒𝓇
🐣慢煮雞胸沙律
雞胸肉質相當軟腍，入口香草味濃郁。
𝒟𝒶𝒾𝓁𝓎 𝒮𝑜𝓊𝓅
🥔椰菜花濃湯
椰菜花濃湯比想像中富鹹香，有粒粒薯仔增添口感。
ℳ𝒶𝒾𝓃 𝒞𝑜𝓊𝓇𝓈𝑒
🐮慢煮安格斯封門柳 (10oz) • 炸薯棗 • 阿根廷青醬 $288
基本上個個嚟到都會嗌封門柳！厚切封門柳望落好紅好生，但又唔會有血水滲出。肉質柔軟好有咬口，略嫌牛味偏淡 ，勝在醬汁味道唔會太重而蓋過牛香。當日黎到無晒炸薯棗，以炸薯條取代，香脆飽滿富鹹香。
🌊極濃海膽扁意粉 $220
完全係為左呢碟意粉而黎！見到每條意粉都裹滿海膽醬汁，仲有大大塊炙熱海膽舖面，真係流晒口水！麵條軟硬適中，可惜單食意粉 海膽味比想像中淡，有小小失望。(究竟係咪我太重口味?!) 不過舖面嘅海膽落得毫不手軟，毫無腥臭味。將面頭成塊海膽撈幾條意粉一齊食 就真係有極濃嘅感覺~
𝒟𝑒𝓈𝓈𝑒𝓇𝓉
🍯Hojicha chiffon +$25 (單點 $40)
戚風蛋糕淋滿伯爵茶cream。蛋糕濕潤有彈性，忌廉軟滑，望落色水唔算好深，但焙茶香氣又幾突岀，屬大眾濃度，略嫌甜度偏高左啲。
ℬ𝑒𝓋𝑒𝓇𝒶𝑔𝑒
🍹Earl Grey Elderflower Soda +$15 (單點 $42)
當伯爵茶遇上接骨木花，係Edo提子軟糖~ 童年嘅味道呀~整體嚟講，慢煮安格斯封門柳同極濃海膽扁意粉無想像中咁驚艷，究竟係咪我太重口味?! 不過有機會都想lunch再去試下個慢煮安格斯封門柳扁意粉配温泉蛋。為封門柳平反！同埋意粉價錢都只係一百頭，又舖滿牛肉，好似幾抵食呢~
張貼
