龍泉冰室 (已結業)

餐廳招牌設計一目了然，一睇就知係港式冰室，店內裝修簡約，冰室黎講座位算闊落。員工服務態度友善，接近黃昏時間，客人不多，上菜速度很快，食物味道中上。蔥花叉燒粒炒蛋菠蘿包配熱檸水 $34 8/10餐牌上一睇到個名就覺得個配搭好新穎，於是毫不猶豫就叫左先試咗少少叉燒炒蛋，雞蛋嫩滑，叉燒蜜汁味香濃，肉質算軟稔，跟住夾埋舊菠蘿飽食，包皮無變濕變淋，依然爽脆，連埋一齊食，味道出奇地夾，食到尾仲有甜絲絲嘅味道，可以一試👍椰香葡汁焗雞肉飯 $58 7.5/10椰香味就唔太覺得有，雞肉嘅質感亦不太鮮嫩，不過勝在葡汁食落甜甜地，成個飯帶有陣陣嘅煙燻味，香氣撲鼻，整體味道可接受