請媽媽食更係食好 d啦！ 我選擇左90mins $268 美國產極選牛小排套餐。
真係任食嘅靚牛肉，肉質軟淋啱媽媽口味，薄薄地一燙即轉色就可以食得， 牛脂分佈平均完全入口即溶化，掂！一分錢一分貨
每次黎都係咁靚的。
豬肉薄薄地容易熟，兼肉質鬆軟不比牛差，但口感無牛肉咁滑，反而有多左質感。
近入口已經比冷泡茶櫃非常吸引，有幾款選擇分別有桂林女神，阿里山烏龍，還有我較喜愛嘅四季春添，色澤清澈味道清新可口，兼可消散油膩感。
隨了豬牛肉外其實還有多款食材，蔬菜選擇，麵條。蔬菜有幾款特別少有嘅花生芽，羽衣甘籃，基本生菜，波菜，黃牙白，油墨菜不能盡錄。其實還有甜品選擇，我實在無空位食，媽媽就食左條雪條大腳八，還有 Oreo添。
坐位都有間隔
湯底選擇亦多，媽媽喜歡骨膠源豬骨湯底，我反而鐘意清湯，就揀選鰹魚湯底。
清澈見底，滾起淡淡飄出香味，食肉大振。
總結媽媽滿意，一人一鍋夠衛生安全，下次再同屋企人試下經濟些嘅套餐。
