影片
更多
2013-06-20
3714 瀏覽
今日同同學有個Gathering，就諗著試下呢間Cafe啦。但對呢間野真係感到好失望，先唔好講佢內裹殘舊既裝潢同殘缺不全同又舊既Boradgame，尤其係佢地既服務態度而且D食物都係好普通，冇咩特別。但最大既問題係我地坐係最入面既梳化位，又侷又熱，同佢地果兩位女員工反映左好多次，依然當我地沒到，最後我地要求想轉去另一張冇人坐既枱，佢咁都拒絕，我心諗:「你冇野呀!我地話晒都係你D客人，你咁都say no。」最後賣單既時候，我地都係岩岩DSE既畢業生，就緊係AA制架啦，等多小小時間俾我夾番D錢出黎駛死咩!吹我地快D不特只，仲當我地面話檢查夠唔夠，當我地冇錢呀?雖然我地得7個人，但消費都有六百幾蚊，都唔算低啦，我地俾唔到咩。你又唔係有客係到等，但就好似想趕我地快D走咁，真係唔明何解了?Gathering緊係坐耐小小架啦，如果唔係你D野飲野食仲值呢個價咩?以後都唔會再去呢間野架啦，更加唔會推介俾人，其他睇到呢篇食評既人就自己慢慢考慮清楚啦。我之前仲睇到其他食評話服務態度好，真係唔知佢地係咪揀人黎服務既?以上基本既要求都做唔到,去M記都好過去你呢求lo，要環境冇環境，要服務冇服務，只有同顧客服務
今日同同學有個Gathering，就諗著試下呢間Cafe啦。
但對呢間野真係感到好失望，先唔好講佢內裹殘舊既裝潢同殘缺不全同又舊既Boradgame，尤其係佢地既服務態度而且D食物都係好普通，冇咩特別。
但最大既問題係我地坐係最入面既梳化位，又侷又熱，同佢地果兩位女員工反映左好多次，依然當我地沒到，最後我地要求想轉去另一張冇人坐既枱，佢咁都拒絕，我心諗:「你冇野呀!我地話晒都係你D客人，你咁都say no。」
最後賣單既時候，我地都係岩岩DSE既畢業生，就緊係AA制架啦，等多小小時間俾我夾番D錢出黎駛死咩!
吹我地快D不特只，仲當我地面話檢查夠唔夠，當我地冇錢呀?雖然我地得7個人，但消費都有六百幾蚊，都唔算低啦，我地俾唔到咩。
你又唔係有客係到等，但就好似想趕我地快D走咁，真係唔明何解了?Gathering緊係坐耐小小架啦，如果唔係你D野飲野食仲值呢個價咩?
以後都唔會再去呢間野架啦，更加唔會推介俾人，其他睇到呢篇食評既人就自己慢慢考慮清楚啦。
我之前仲睇到其他食評話服務態度好，真係唔知佢地係咪揀人黎服務既?以上基本既要求都做唔到,去M記都好過去你呢求lo，要環境冇環境，要服務冇服務，只有同顧客服務不成正比既價錢，真係今我好唔爽。
張貼