西門町台灣麵食 (已結業)

晚餐時, 我們去了"女人街"的西門町處食台灣麵. 之前從食評中得知這兒的評價唔錯, 所以前來一試. 去到時已經是人頭湧湧, 幸好剛剛有一張二人枱, 所以不用等位. 點了紅燒牛肉麵, 牛筋牛肉麵和肉燥油菜.牛筋牛肉麵的牛筋極度有水準, 大條之餘炆得非常稔身, 而且很爽口入味. 正! 兩碗麵的牛肉亦異常出色, 雖然每件牛肉都是大大件, 但一點兒都不硬, 反而出奇地煮得的非常軟稔, 夠稔之餘亦入味非常, 抵讚! 麵底就一般水準, 麵質稍為不夠爽口彈牙, 但湯底味道則很濃, 唔錯! 肉燥油菜除了想食菜外, 還想試吓肉燥, 因為原本有打算叫飯食, 但改為肉燥飯要加10元, 好似幾貴, 所以改點了肉燥油菜. 菜幾鮮嫩爽口, 至於這裏最出名的肉燥果然好味道, 肉燥真的是一粒粒的肉, 不是有些台灣食店般其實是肉燥醬, 汁多過肉, 而且很入味, 難怪我見到很多人都叫碗肉燥飯吃, 果然有理!食物唔錯, 但環境我就覺得麻麻了, 一來店子size不大, 但枱則甚多, 枱與枱之間十分擠迫; 二來空調不太夠, 我一路食一路要抺汗. 除了環境之外, 這兒的價錢都幾貴, 我們只是點了兩碗粉加一碟肉燥油菜都一百零幾元,