金蘭花泰國菜 (已結業)

原本比較少去灣仔, 疫情後就更加添, 但突然醒起呢間泰菜食過好幾次印象都唔錯就忍唔住返黎試吓佢保唔保持到水準。一早BOOK 左枱, 而且食6點夠早, 安排到我地兩個人都可以有間房仔, 有得襟鐘叫佢地落單, 食飯中途都不斷有人黎收碟, 唔會係入左房就無人理咁, 抵讚。生蝦都係咁彈牙,  不過以前D 汁印象係好鬼死辣, 兒家親民左XD冬蔭功比一船既傑少少, 料好足仲好多蝦, 正~~蝦餅彈牙, 雞翼好食。主菜咖喱肉蟹, 整之前仲要拎過黎比我睇吓隻蟹幾大幾生猛 XD  蟹肉夠實幾好食D 咖喱幾滑幾香, 忍唔住叫左兩轉薄餅黎食。咁耐無黎都仲係好食, 而且個場大左, 多左個單位黎做無以為咁迫。