金田日本料理 (已結業)

之前聽朋友講尖沙咀個間都幾好食，依家灣仔都開左間，唔使過海，加上生日就快到，就兩個人食餐飯當慶祝下啦^^　2030pm 上到去唔算太多人，Book位時已經講明無三文魚,可能因為冰島火山事件啦，佢話會有八折平啲（但無左三文魚真係差好遠，算啦，照食)　　好彩都無令我失望，至愛刺身既我最鐘意非赤貝莫屬。比其他食過既放題都大片同厚，而且都好新鮮，唔會有雪味。而且螺片亦好好食，但甜蝦就比較細隻左d 熟食方面例如燒物都唔錯，好似芝士燒蠔同墨魚仔都好食，但相對款式就好似少左d ，但整體黎講都唔錯。