濟州燒肉食堂

營業中

休息中

餐廳位於德福廣場Food Court旁邊，主打濟州燒肉，除咗有多款肉類之外亦有主食、小食等供應。店內環境唔算好大，但座位闊落而且空氣感十足，食完都唔會有好大陣油煙味。私心推介究極黑毛豬盛宴，一款豬、四款牛同主食。黑毛豬梅花肉、大牛骨、牛小排、和牛牛五花、大蔥切牛舌，豬肉嫩滑多汁、牛肉味突出，啖啖肉，包住生菜食可降低油膩感。主食有人蔘雞湯，一整隻雞上，煮過之後都唔會話好嚡而且夠入味，湯底清甜暖胃、花蛤刀削麵新推出，麵條Q彈，海鮮鮮甜，大件夾抵食。飲品有濟州同柑橘梳打，甜度適中，十分解渴。值得一提嘅係粟米芝士同蛋係無限添加，唔覺唔覺都Encore咗好多次，質素比想像中高好多，仲可以自行調整生熟程度，令人一試難忘，越食越上癮呀，而前菜就要額外加錢。