星巴克咖啡

營業中

休息中

童年回憶如果響小編黎講，享用某個老牌子既三色雪糕 (家庭裝)絕對係其中1個選擇：一來當打開雪糕蓋後就可以豪爽既用匙羹勺出黎食，二來同時有3種味道既雪糕集中埋一齊，咁就可以獨立食又得﹑混埋食都得。經過Starbucks見到佢最新推廣係用上士多啤梨﹑雲尼拿同朱古力3種配搭而成既拿坡里星冰樂，就算係早餐既時間就忍唔住想去試試。今次既拿坡里星冰樂並唔會有咖啡既成份，咖啡師會先響底層加入大量既朱古力醬，之後再用雲尼拿及冰打成沙冰 - 可能你會見到咖啡師只係倒一半既沙冰響杯內，何解？因為咖啡師會再加入含有果肉既士多啤梨醬，之後再輕輕打多次沙冰，咁樣就可以令士多啤梨沙冰層保留響表面。再加入窩夫筒脆脆增強口感後，星冰樂就完成喇!響打卡既角色黎講，佢又真係做到3個顏色層次既效果，相信響陽光下影出黎都會幾銳利；至於味道上可以先將底層既朱古力與雲尼拿攪拌一下，否則雲尼拿沙冰的確會幾淡口。而飲既過程可以部分時間飲上面既士多啤梨沙冰，咁就可以甜甜既及微酸既沙冰都同時飲到，效果就好似以前食緊三色雪糕既感覺。綜觀黎講，雖然特大(Venti)裝既價錢都要$51，但作為炎熱天氣下既享受，價錢上都還可以既。