日牛涮涮鍋專門店 (已結業)

今日下午4:50去到，係門口企左大約10分鐘因為門口電話響所以先有個男侍應行出黎，男侍應聽完電話就問我幾多位，現在係晚市收費，因為媽咪同女兒都想食，所以就入去，入座後去取食物，看到自助區所有食物都係得一半，又或者得返幾件，見到都唔係太想食，只係攞左金菇蕃茄同豆腐，媽咪話想食年糕，咁我就出去攞，點知得十件八件仲要發霉🤢🤢，同個女侍應講她都有禮貌地講唔好意思我去換個盆出黎👍，但都等左大約20分鐘，6:00就見到女侍應開始添加食物。5:00就開始晚市收費，為何會6:00先添加食物？埋單等人又等左大約10分鐘先有人，全程係無侍應執野，想揾人加湯都無。