影片
更多
2011-01-19
46 瀏覽
::: 唔食ribs就爭d :::11月2日, 成為咗tony roma嘅member, 送咗張$100 cash coupon比我地, 於是又嚟翻食! 臨急臨忙, 好在平日嘅灣仔店夠冷清, walk in都大把位!::: Bread with Garlic Butter麵包 ::: free個香草牛油絕對係呢度嘅招牌! 今日d包凍咗d~ 不過搽咗牛油之後仍舊好好食~!::: Shrimp Stuffed Portobello Mushroom鮮蝦釀大蘑菇 ::: $98由於只係純粹想用咗張coupon~ 所以就亂叫d平時唔叫嘅野! 見到table stand有d special推介, 呢個焗釀大蘑菇張相差唔多有隻碟咁大, 又有蝦呀芝士做stuffing真係好吸引~ 所以貴貴地都叫嚟試下… 上枱時差d以為佢嚟錯野, 因為個portobello只有拳頭仔咁大, 同張相比真係差好遠! 味道方面, 餡料中嘅羊奶芝士同香草都好濃味, 蓋過晒其他菠菜、鮮蝦味… 但d香草味又入唔到個菇度, 搞到個菇淡淡地… 蝦肉亦似係剛解凍比較硬, 所以覺得一般般…::: Chicken Tuscany Past
11月2日, 成為咗tony roma嘅member, 送咗張$100 cash coupon比我地, 於是又嚟翻食! 臨急臨忙, 好在平日嘅灣仔店夠冷清, walk in都大把位!
::: Bread with Garlic Butter麵包 ::: free
個香草牛油絕對係呢度嘅招牌! 今日d包凍咗d~ 不過搽咗牛油之後仍舊好好食~!
::: Shrimp Stuffed Portobello Mushroom鮮蝦釀大蘑菇 ::: $98由於只係純粹想用咗張coupon~ 所以就亂叫d平時唔叫嘅野! 見到table stand有d special推介, 呢個焗釀大蘑菇張相差唔多有隻碟咁大, 又有蝦呀芝士做stuffing真係好吸引~ 所以貴貴地都叫嚟試下… 上枱時差d以為佢嚟錯野, 因為個portobello只有拳頭仔咁大, 同張相比真係差好遠! 味道方面, 餡料中嘅羊奶芝士同香草都好濃味, 蓋過晒其他菠菜、鮮蝦味… 但d香草味又入唔到個菇度, 搞到個菇淡淡地… 蝦肉亦似係剛解凍比較硬, 所以覺得一般般…
::: Chicken Tuscany Pasta 意大利風味烤雞肉意大利幼麵 ::: $108呢個意大利幼麵似扁麵多d, 但texture煮得唔錯~ 煙韌彈牙的! Sauce係茄汁加少少甜椒咁嘅味, 不過淡淡地… 雞肉無乜雞味, 用咗雞胸肉, 亦係食得出冰鮮雞柳個質地… 所以好靠d芝士提味! mmm… 發現呢個pasta都唔係咁啱我地口味…
::: Crème Brulee 法式焦糖燉蛋 ::: $38全餐最正! 正到平時麻麻甜野嘅呀比都要同我爭食!! 呢個都係新menu嚟架~ 之前食過一次已經覺得好好味! 燉蛋真係做到軟綿綿~ 好creamy! 面頭薄薄一層焦糖一篤即破, 脆得嚟唔會過甜~ 真係好好食呀!!!
今次無食到ribs反而試咗d周邊野, 唔係難食不過只係一般般~ 始終tony roma最主打都係ribs! 嚟親唔叫真係覺得爭d… 點都好我都已經成為member… 再返嚟食就一定架喇… 而呢間灣仔店雖然隔涉少少但環境的確比time square店好~張貼
