CoCo壹番屋 (碧海藍天) (已結業)

自己一向都幾鍾意coco壹番屋的日本咖喱飯，今日就嚟到荔枝角既分店。呢到既咖喱飯有分辣度，好岩食唔同辣的人。自己就一般食得辣，所以就點左二分辣，基本上二分辣都還好，唔算辣到食唔到。推介呢個芝士漢堡扒咖喱飯，賣相幾吸引，咖喱一半，一半就係白飯，漢堡扒雖然就得一塊，但啖啖肉又夠入味。入面仲有好多芝士添，配咖喱飯真係幾好味，同咖喱好夾，份量又剛剛好。而最鍾意就係呢到既咖喱夠多，不稀不濃，唔怕食食下有無汁情況出現，推介！