影片
更多
2015-08-13
363 瀏覽
其實服務真系無預期咁差，點心系一檯同一張點心紙的一齊執出黎的，所以只要張紙兩面都寫清楚檯號，圈起你揀左既點心，系無漏過單的知客侍應亦無呼呼喝喝，反而我覺得收吉籠收得幾勤快，收茶壺加水都自動自覺。連傳菜的都幫埋手收點心紙，雖然唔出聲答人，但問他拿點心紙他唔聲唔聲拿一疊給你，都好慷慨丫，團購黎講算系咁，出面飲茶 d 傳菜都唔會肯做樓面野吧。隔黎一檯六個大男孩擺明黎挑機，坐低無耐叫左六轉點心，侍應都無放軟手腳，算合理了吧。當然，寫得食評都想餐廳有改進，並列出中伏位讓大家有得揀就免得辛苦自己個胃。前人提及疑似隔夜扁左的雪影包，就系咁喇。左邊系杏汁包，右邊系叉燒包，其實叉燒包尚可而且個餡真系有叉燒，不過兩款包無論包身同個餡都太甜，而且的確似攤左一段時間再翻熱所以包底硬硬的。上面的系總匯西米露... ... 如圖，不贅。下面系紅豆豆腐花，應該擺得太耐出晒水，個豆花其實有豆味但同時石膏粉實在太多所以一點也不滑，紅豆好硬。我會建議大家試熱既甜品穩陣 d，忘記糖朝以甜品起家吧，以免 false expectation，因為任食同散叫既甜品系分開處理的。呢張相系要證明個蛋撻點樣碎左都照上菜，不過個撻皮系鬆
連傳菜的都幫埋手收點心紙，雖然唔出聲答人，但問他拿點心紙他唔聲唔聲拿一疊給你，都好慷慨丫，團購黎講算系咁，出面飲茶 d 傳菜都唔會肯做樓面野吧。隔黎一檯六個大男孩擺明黎挑機，坐低無耐叫左六轉點心，侍應都無放軟手腳，算合理了吧。
當然，寫得食評都想餐廳有改進，並列出中伏位讓大家有得揀就免得辛苦自己個胃。
前人提及疑似隔夜扁左的雪影包，就系咁喇。左邊系杏汁包，右邊系叉燒包，其實叉燒包尚可而且個餡真系有叉燒，不過兩款包無論包身同個餡都太甜，而且的確似攤左一段時間再翻熱所以包底硬硬的。
上面的系總匯西米露... ... 如圖，不贅。下面系紅豆豆腐花，應該擺得太耐出晒水，個豆花其實有豆味但同時石膏粉實在太多所以一點也不滑，紅豆好硬。我會建議大家試熱既甜品穩陣 d，忘記糖朝以甜品起家吧，以免 false expectation，因為任食同散叫既甜品系分開處理的。
呢張相系要證明個蛋撻點樣碎左都照上菜，不過個撻皮系鬆化既所以先會碎，但就等左好耐先到，又唔系新鮮熱辣，不能理解點解要等咁耐。
黑松露燒賣，的確有黑松露醬，有蝦系面頭，但燒賣本身就系得一大舊豬肉，好實，唔爽唔彈牙
只不過都系那句，團購價仲要任食就唔好奢望點心精緻了，其實點心紙上算多野食，要吃飽絕對不是沒選擇，蒸既點心系合格的，蝦餃好快就沽清可以一坐低就叫定兩籠，菜肉雲吞個湯有正宗大地魚味，春卷系蘿蔔絲餡無肉的但外皮攤凍食仲好脆，另外也推介黑椒豬手和鮮蝦菜苗餃我們都有食淨野，鮮蝦腐皮卷外面唔知點解要加個又鹹又杰的醬，一咬開有成啖油類物體湧出黎，所以我們都啃唔落要吐落骨碟度，這樣明顯地讓侍應知道我們不是眼闊肚窄浪費食物，所以無被刁難，拍拍屁股就走得。
當然，以尖沙咀區的標準，要找精緻好味服務週到的點心一定好多，要用這個價錢食下午茶也總有其他選擇，但要找個交通方便地方闊落環境唔吵準時入得食住等方便三五知己平食任食三個幾鐘的地方，仲要唔使預約就唔怕有人甩底，我覺得值得考慮買糖朝呢個團購的。
張點心紙唔短，都幾難食得晒，看了食評，避開中伏位，就算如我們般以"打大佬"心態叫蛋撻，一見到真系碎左都俾客食咪爆笑下，其實增添不少歡樂氣氛丫。買得團購，在人地都唔愁無街客旅客強國客 walk-in 的地區吃飯時，奢求當你豪客般的款待，還不如調整一下自己的心情和預期來得容易吧。
張貼
