德星酒家 (已結業)

買左$88團購！一上到去職員服務好差 ，好冇禮貌！問佢公司有咩野食都唔知 ！原本睇團購話送隻片皮鴨，有雞煲+火煱！點知得個一舊仔，仲要輪住排隊出去拎！都算！個雞煲，點知雞煲入面會有湯個囉，真係極品，面頭得一層紅色油，全部都用辣椒醬做湯底，入面加兩隻鷄腳，同埋少少雞骨、咁就叫雞煲！個清湯火煱仲衰！清就清吖~不過清水囉！ 到入紙叫野食，叫8碟先黎得2碟！我都未試過打邊爐打半個鐘都係得公仔麵食！出去拎D丸同蟹柳送到黎，點知全部都有怪味！原來就咁堂食冇買團購既都係$88 一樣價錢！一樣都有片皮鴨食！仲要見到服務態度好D添！真係好嬲！一樣兩樣都算！團購細則講有2個鐘3個宇嫁嘛,1個鐘多少少,就熄燈熄冷氣,係咪因為團購比左錢所以D服務就特別差?個個女經理同男經理！經理，經理真係經過唔理！叫左10聲以上先過黎！真係好嬲！以後都唔會去食！