星巴克咖啡

營業中

休息中

一如以往, 星巴克在臨近聖誕節時又推出多款特色甜點, 憑賣相的確可感受到丁點兒節日氣氛, 論可愛, 當然要選木頭朱古力蛋糕啦! 但芝士怪始終鍾情於外表較為平實的hazelnut cheesecake $30 。 看見餅面上的忌廉就聯想到白雪, 軟軟的, 打得很滑溜。 焗製的芝士餅特別討人歡喜, 實淨得來不會死實, 頗為黏口, 芝士味亦夠濃郁, 同時亦嚐到果仁味, 再細意咀嚼之下, 像是杏仁味多於榛子呢! 餅底不是消化底, 而是類似撻皮那種牛油酥皮底, 可是有點稔, 不夠香脆。 單是一件蛋糕又怎能滿足到小妹呢? 於是多揀一件綠茶林明頓$6。憶起之前在mccafe吃過的又乾又鞋, 簡直是個惡夢。星巴克的則不同, 外面雪過後硬硬地, 十分甜美, 而內裡的綠茶海綿蛋糕鬆軟至極, 一點也不乾。 綠茶味輕輕的, 予人清新的感覺。