影片
更多
2016-12-17
667 瀏覽
12月之不覺已經嚟到, 除咗表示每一年將要完結之外, 仲有就係聖誕節就快黎到🙊 每年要諗到聖誕節要送聖誕禮物比朋友同埋男朋友之外, 最麻煩嘅莫過於係要諗晚餐🤔🤔🤔 聖誕節除咗好多人之外, 周圍食聖誕大餐嘅價錢不菲, 餐廳總係會🔪客人一頸血...今日同男朋友黎到旺角黑布街, 呢度除咗出名多甜品店之外其實依家都有好多餐廳進駐咗喺黑布街..紫藍色嘅燈光配上佢哋嘅招牌, 同酒吧啱啱地嘅燈光形成咗強烈嘅對比, 望落去感覺招牌嘅顏色好sharp👏🏻 除此之外, 招牌Logo仲以投射既方式投射喺出面既地面上, 吸引到不少客人留意! 👍🏻👍🏻👍🏻正正因為比佢哋吸引着, 途中就行過呢間酒吧, 除咗提供飲酒之外仲有提供晚飯雖然依家只係12月中, 不過呢間酒吧餐廳已經推出左聖誕套餐, 所以同男朋友決定咗預先慶祝聖誕節🎅🏻🎅🏻🎅🏻 避過涯貴聖誕餐嘅日子😂酒吧唔算十分大, 座位唔算十分多因為平日關係, 酒吧來唔算好多人, 可能始終係晚飯時間飲嘢嘅人比較少..剛好被職員安排楚係酒吧枱對面, 酒吧枱上面放滿左各式各樣嘅手工啤酒, 而酒櫃放滿調酒師專用既酒, 真係覺得呢個環境真係好有feel❤️❤️❤️Christmas
每年要諗到聖誕節要送聖誕禮物比朋友同埋男朋友之外, 最麻煩嘅莫過於係要諗晚餐🤔🤔🤔
聖誕節除咗好多人之外, 周圍食聖誕大餐嘅價錢不菲, 餐廳總係會🔪客人一頸血...
今日同男朋友黎到旺角黑布街, 呢度除咗出名多甜品店之外其實依家都有好多餐廳進駐咗喺黑布街..
紫藍色嘅燈光配上佢哋嘅招牌, 同酒吧啱啱地嘅燈光形成咗強烈嘅對比, 望落去感覺招牌嘅顏色好sharp👏🏻
除此之外, 招牌Logo仲以投射既方式投射喺出面既地面上, 吸引到不少客人留意! 👍🏻👍🏻👍🏻正正因為比佢哋吸引着, 途中就行過呢間酒吧, 除咗提供飲酒之外仲有提供晚飯
雖然依家只係12月中, 不過呢間酒吧餐廳已經推出左聖誕套餐, 所以同男朋友決定咗預先慶祝聖誕節🎅🏻🎅🏻🎅🏻 避過涯貴聖誕餐嘅日子😂
酒吧唔算十分大, 座位唔算十分多
因為平日關係, 酒吧來唔算好多人, 可能始終係晚飯時間飲嘢嘅人比較少..剛好被職員安排楚係酒吧枱對面, 酒吧枱上面放滿左各式各樣嘅手工啤酒, 而酒櫃放滿調酒師專用既酒, 真係覺得呢個環境真係好有feel❤️❤️❤️
Christmas Set Dinner $458 for 22人聖誕晚餐價錢一啲都唔貴, 不過套餐並不包括飲品, 所以如有需要叫野飲將會另外收費
帶子薄片配紅菜頭及美國蘆筍薄薄嘅帶子盛栽着紅菜頭粒, 帶子味道鮮甜而且口感好細膩, 配上紅菜頭同蘆筍關係增加左味道層次
蘆荀份口非常嫩身, 一d渣都沒有😍👍🏻
而且調味方面簡單用上粗身既黑椒粒同少量橄欖油, 味道適中唔會搶咗帶子同蘆筍既原有味道
牛肝菌忌廉湯牛肝菌其實並不是牛既材料, 佢只係一種菇菌類
不過牛肝菌嘅味道相當特別唔係一般嘅菇菌類可媲美, 另外配有少量嘅黑松露醬襯托喺忌廉湯上, 黑松露醬同牛肝菌忌廉湯融為一體之後提升咗原有忌廉湯嘅香味湯品既濃傑程度唔會太傑身, 飲落肚好舒服... 除此之外就算飲晒成個湯都唔會覺得好飽😆 好味道
牛肝菌意大利飯呢個意大利飯用上芝士製成, 除咗擺設上嘅芝士片之外, 意大利飯食落口每班都充滿着濃濃嘅芝士味, 芝士味好香但唔會太過重
意大利飯唔似正宗嘅意大利飯呈現生米狀態, 食起上嚟口感偏林, 雖然係咁但米飯依然係一粒粒狀態, 雖然沒有生米既口感不過整體方面味道唔錯架! 而裝飾嘅芝士片食落冇意大利飯嘅芝士香味咁重, 相信芝士控會好鍾意呢個意大利飯😋😋😋
意式焗紙包鰽魚呢道菜色我覺得幾有特色, 煮法有別於一般既煮法, 用上特別既焗紙將鰽魚包好再將其煮熟. 上枱時職員即場係我面前將包裝紙剪開, 好特別❤️👍🏻因為鰽魚係煮既過程中有水重重包圍住, 令鰽魚唔會受火喉既影響,
魚肉肉質嫩滑得黎帶點口感, 而且丁點腥味都沒有, 鰽魚沒有刻意既調味只輕輕用上黑椒, 簡單得黎唔會搶左鰽魚原身既味道👍🏻👍🏻👍🏻另外下層放滿美國焗薯&蕃茄仔, 美國薯仔細細粒食起上黎好方便
炭燒美國頂級肉眼配牛肝菌芥末肉眼叫左5成熟, 切開肉眼內裡呈現粉紅色既血色狀態, 賣相相當吸引!
因為以炭燒方法處理肉眼扒, 所以可以鎖住肉眼扒嘅水份, 食落肉質除左好鮮嫩之外肉眼仲保持到一定嘅水份, 好香好好食😀👍🏻👍🏻👍🏻
最後order左2杯野飲就做左呢一個提前既聖誕節餐既終結❤️比起其他西餐廳而言呢度既聖誕節餐真係幾抵食, 2小口既2人餐加埋一都係$500 到, 份量都好足夠真係好經濟!
加上呢度既氣氛真係幾好, 係一個唔錯的體驗啊!❤️❤️❤️😀
張貼
