影片
更多
2012-11-06
272 瀏覽
響上環工作已經接近１０年，響呢度用餐既次數多不勝數，由舊舖最出名既10蚊雞扒腸蛋多士加熱飲早餐，到現在12蚊白粥加炒麵/米早餐，一直支持既原因不外乎三個字: 平、快、正~!!可能有不少人覺得畀唔出"正"字~因為又無好環境又無靚食材而且都係賣平民野~但阿水認為: 要響適當既餐廳叫適當既食物，如果唔係只係苦了自己又壞了餐廳名聲 (當然餐廳出得餐牌都要負責) 今天心血來潮想食下午茶，於是午飯後立刻幫同事”落單” 兩份豬扒包、兩份奶油多、一份餐蛋治，４杯熱奶茶，１杯熱寧茶，盛惠７６蚊，三點半打電話，四點之前已送到。先前已叫過金太陽下午茶好多次，所以知道魚柳包同豬扒包之間，應該揀豬扒包 (但其實魚柳包都唔錯，不過炸野始終熱氣)１７蚊一份既豬扒包，用超市有售既嘉頓漢堡包，包住與包面面積相約既薄身豬扒，豬扒煎得香但唔油膩，另外仲有沙律醬，三塊大生菜以及一塊鮮蕃茄～味道配合得妥到好處，絕對唔比同一條街既麥ｘ勞遜色，但價錢卻比麥當ｘ平超過５蚊～熱奶茶跟餐，唔使加錢，奶茶既味道好講個人口味，所以以下只係阿水既感覺～係一般茶餐廳奶茶，但飲過咁多次都無試過太澀，淡奶比例算多，另外可要求多奶(個人喜好)～要講係
可能有不少人覺得畀唔出"正"字~因為又無好環境又無靚食材而且都係賣平民野~
但阿水認為: 要響適當既餐廳叫適當既食物，如果唔係只係苦了自己又壞了餐廳名聲 (當然餐廳出得餐牌都要負責)
今天心血來潮想食下午茶，於是午飯後立刻幫同事”落單”
兩份豬扒包、兩份奶油多、一份餐蛋治，４杯熱奶茶，１杯熱寧茶，盛惠７６蚊，三點半打電話，四點之前已送到。
先前已叫過金太陽下午茶好多次，所以知道魚柳包同豬扒包之間，應該揀豬扒包 (但其實魚柳包都唔錯，不過炸野始終熱氣)
１７蚊一份既豬扒包，用超市有售既嘉頓漢堡包，包住與包面面積相約既薄身豬扒，豬扒煎得香但唔油膩，另外仲有沙律醬，三塊大生菜以及一塊鮮蕃茄～味道配合得妥到好處，絕對唔比同一條街既麥ｘ勞遜色，但價錢卻比麥當ｘ平超過５蚊～
熱奶茶跟餐，唔使加錢，奶茶既味道好講個人口味，所以以下只係阿水既感覺～係一般茶餐廳奶茶，但飲過咁多次都無試過太澀，淡奶比例算多，另外可要求多奶(個人喜好)～
要講係好正既奶茶，呢度唔算，要講好難飲，又實在太過份，所以呢度絕對可以提供到一般茶餐廳既食物質素～
但係，中上環區一般茶餐廳一個餐已經要３５－４０蚊 (下午茶都至少要２０蚊) ，呢度提供既依然係２５－３０蚊一個飯加熱飲/中湯，仲可以去邊度捃？
另，重點推介～中湯～足料兼好味(拇指) 飲多咁多次，都睇唔出亦飲唔出有味精 =w=
題外話/補充資料：
因為係小店，所以人情味好濃厚 =w= 有次阿水去買飯畀爸爸食，唔要湯，但驚飯太少爸爸食唔飽，老闆知道後就免費幫阿水加飯~
亦都因為係小店，所以入到去唔好諗住係酒店式服務~但大家絕對有禮貌，亦都好親切 =w= 支持~!!
(以上食評乃用戶個人意見 , 並不代表OpenRice之觀點。)
張貼