NN Coffee

營業中

休息中

餐廳裝潢走日系風格，適合休閑傾偈嘅好地方。環境寬敞闊落，枱與枱距離充足。用餐時間係星期六午餐時間，入座率九成。市場街假日一向人潮擠擁，今日竟然行運唔使排隊，真係好好彩。- 日式蘋果咖喱慢煮牛肋條飯糰¹¹⁸甜咖喱配上鮮蘋果果香，酸酸甜甜好開胃。慢煮牛肋條肉質嫩滑入味。飯糰加入飯素，只食飯糰已經好好味。- 煙三文魚焙茶漬丼¹⁰⁸焙茶味唔算濃，但配上濃味嘅煙三文魚，令整體味道配合得恰到好處，互補不足。- 鮮奶咖啡⁴²咖啡醇香，奶泡綿滑，獨角獸拉花夠特別。