炑八韓烤 (彩明商場) (已結業)

假期同朋友嚟咗將軍澳行一轉， 晚飯朋友話想食韓燒，search 之下就搵到呢一間位於調景嶺站嘅韓燒店。 六點嚟到唔使點等位， 實在太好喇😁。這裡環境够寬敞乾淨都唔錯，睇完餐牌，我哋點咗和牛牛舌勝燒套餐見介紹有和牛前胸肉，牛舌，霜降牛小排,大八爪魚,護心肉，豬梅花肉及大啡菇等，太吸引了😂點好餐後，服務員送上泡菜蛋漿和芝士粟米粒，仲有幾款韓式泡菜 （原來呢啲係可以任添㗎）👍 因為我超鍾意食泡菜😋跟住上主菜: 係以一隻牛嘅形式咁送上嚟🧐 我地清楚知道食緊牛隻嘅邊一部分，食起嚟嘅時候呢都會覺得自己長知識😂最喜歡係燒和牛，這和牛牛脂分布剛剛好，入口即溶而且有牛香味，好味😋 然後，燒牛舌，比較重牛味，其實都唔錯。另一部份新常試就是牛護心肉，原來都幾好食，有牛味又彈口，這套餐竟然包原隻八爪魚，咁樣原隻燒影相呃like冇得彈😂飲品我哋點左甜蜜蜜芒果梳打，呢個梳打嘅特別之處呢佢係用新鮮芒果，可以食到芒果肉唔錯！ 整體而言，食得舒適享受。