大蔵季節料理 (已結業)

今年生日，父母送咗份厚禮「大蔵發辦」俾XO仔，細佬都好有心架，食完超正o既壽司就即場訂座，與表妹一同大宴五位靚靚媽咪及四位爸B慶祝母親節，以魚生歌頌親恩。 派對於母親節前夕舉行，嘻嘻，為荷包著想所以揀食午餐 。合共十一人剛好包咗「大蔵季節料理」整列壽司吧，除咗可以睇住師傅用心地準備魚生菜式，當日仲有特別嘉賓小蟹群相伴添。小肥對「大蔵」o既佳餚極有信心，所以一早就預備咗樽好好意頭o既1.8公升「長壽大吟釀」，實行用美酒配襯佳餚及美人 。大家千祈唔好以為一眾長輩年紀大，酒量就會輕，我地當日午餐雖然只係短短兩個鐘頭，但不費吹灰之力已飲光一枝1.8公升加四枝720毫升o既日本酒 ，當中仲要冇人顯得有醉意，係咪好犀利呢？！因為每人都叫咗客午餐定食，全體就清一色由沙律、前菜、及茶碗蒸食起。沙律o既生菜同蕃茄均新鮮爽脆，淋上醒胃o既芝麻醬就最啱細佬口味 。前菜o既豆卜塊加蘿蔔絲酸甜脆口，同樣開胃。茶碗蒸則清甜、軟滑、又暖胃。幾位母親大人都被外型吸引o既「大蔵壽司便當」有所迷倒 ，其中三人都忍唔住要叫黎試。哈哈，XO咁乖仔喎，當然係有份食啦 ！三層高o既櫻花錦盒每格所承載o既食物都有所